الأخ الفاضل يوسف ( أبو دينا )
ههههههههههههههههههه!!!
بجد مقال بأسلوب ساخر لكنه رائع ، يحمل بين ثناياه النقد اللاذع !!!
وهو على صغر حجمه ، لكنه حافل بالأفكار المختلفة !!!

والله أنا احترت بكلامك وما عدت أعرف أنه هيك صفحتي في جيران هي مدونة أو صفحة شخصية ، بس على جهتين انا مسرورة فيها ، وأبوح فيها بخربشاتي !!!


عموما دمت بخير ... مع دوام الإبداع !

إمممممممممم ... بصير أحكي بدون ما نتخانق؟! :-)

والله زمان عنك يا يوسف

عندي 3 نقاط بدي أحكيهم هون:

أول نقطة إنه العنوان لازم يكون "المدونات في العالم العربي" لأنه بشكل عام مفهوم التدوين في العالم العربي ومفهوم الإنترنت بشكل عام عند المستخدمين العرب مش واضح. وانا فاهمه تماما شو معنى كلامك في البوست وصدقني بناء على تجربتي وعملي في عالم التدوين لمدة 3 سنوات بأكدلك إنه في غباء رهيب ومستفحل عند نسبة كبيرة من مستخدمي الإنترنت في العالم العربي بشكل عام مو بس في جيران. فاهمين الموضوع غلط لساتهم عايشين في عصر المنتديات!!!!

تاني نقظة هي إنه لما بدأت المدونات في العالم العربي كان عندي تصور إنه كل حد بيكتب فيها لازم يكتب بلغة عربية سليمة وبمواضيع هادفة وإلها قيمة وإنه يناقش ويعالج المشاكل ويطرح القضايا وما بعرف شو، وكتبت عن هاد الموضوع في بداية حياة مدونتي، لكن اكتشفت إنه لأ مو هيك الموضوع، وصار عندي تصور مختلف للمدونات . صرت أحس إنه كل إنسان بحقله يكتب عن أي شي مادامه ما بيئذي الناس!
مو كل الناس عندهم قضية، وفي كتير ناس ما بتهمهم غير قضاياهم الشخصية، وفي كتير ناس ما بحبوا غير يكتبوا عن شي معين يمكن بالنسبة إلي أو إلك أو لأي حد تاني يكون تافه وغبي، بس همه شايفين انه الموضوع بعبر عنهم وبريحهم وبخفف ضغط معين موجود في حياتهم وهاي هي فكرة المدونات!
المدونات مو بس للصحفيين والناس اللي عندها قضية والناس اللي بتعرف تكتب والناس اللي فاهمه شو اللي بصير حوليها.
لأ المدونات للجميع عشان كل إنسان يعبر عن فكره وإحساسه وحياته ويرتاح حتى لو ما عجب الجميع!

أنا نفسي برتاح كتير مرات لما اكتب شي تافه لمجرد إنه خلاني أحكي شي في بالي مدايقني او بلف في عقلي إله فترة، حتى لو غبي ومو مهم ... بس في هديك اللحظة انا كنت مشغولة في شي تافه وكنت حابه أعبر عنه... شو حيصير؟!

بتمنى إني اكون وضحت فكرتي صح وأنا بالتأكيد بحترم رأيك ومدونتك. وشكرا عالموضوع يوسف

وين النقطة التالتة؟! نسيتها

الأخ العزيز: يوسف
أنا مع الرأي الثاني لـ ( حلا )الذي ورد هنا ضمن التعليقات.. ليس من المفترض أن أتحدث في السياسة كي أكون مدوناً..
وأرى أن المدونة هي فضفضة لإخراج ما في نفس الإنسان.. لأننا تعودنا في العالم العربي عدم القدرة على الحديث مع من حولنا.. ولا نستطيع البوح لهم بمكنوناتنا..
ولهذا دع كل مدون يقول ما يريد.. ويخرج الشحنات الراكدة في داخله بطريقته..
ودمت بخير

الصديقة العزيزة دينا
الاخت العزيزة حلا
الاخ العزيز ابو رهف
اشكركم على التعليق وانا فقد كنت اريد ان اعرف ما هو الفرق بين المدونة والصفحات الشخصية لااكثر ولا اقل لاننى لاحظت وجود مدونات كثيرة تعرض اغانى وافلام وبرامج والعاب هل يطلق عليهم مدونه ام صفحة شخصية
كما اننى لم اقل ان المدون يجب ان يكتب فى السياسة حتى يكون مدون
او يلتزم موضوع معين او اتجاة معين
انا ارى ان المدون هو يكتب عن شئ يهم
الناس او ينتقض وضع معين او اتجاة معين ان يعرض افكار قد تفيد الناس او حتى يكتب مذكراته اليومية واحلامة
مش شرط ان يكتب فى السياسة بالعكس بعيدا عن السياسه يستطيع الانسان الكتابة اكتر وبنفس مفتوحة
مع تحياتى للجميع